ჯეი ჯეი ფილიპსი, რომელიც საზოგადოებამ ამერიკულ „ნიჭიერში“ მონაწილეობის შემდეგ გაიცნო, კორონავირუსით გარდაიცვალა, - ამის შესახებ Independent-ი წერს.
ოჯახის წევრების თქმით, ის ნოემბრის ბოლოს, მადლიერების კვირის განმავლობაში დაინფიცირდა და მიუხედავად მათი მოწოდებისა, საავადმყოფოში ემკურნალა, სახლში ყოფნა არჩია. „უბრალოდ, გამოძინება მჭირდება“, - უთხრა მან ოჯახის წევრებს გარდაცვალებამდე ცოტა ხნით ადრე.
30 წლის კაცი საკუთარ სახლში, მარტო იყო, როცა გარდაიცვალა. მისი ცხედარი დედამ და მეგობარმა გოგომ ნახეს.
ფილიპსი „ნიჭიერში“ ორჯერ - 2009 და 2017 წლებში მონაწილეობდა. მიუხედავად იმისა, რომ ფინალში ვერცერთხელ ვერ შეძლო გასვლა, მაყურებელს თავი გამორჩეული შესრულებით დაამახსოვრა.
