საქართველოს საუკეთესო ჩოგბურთელი ნიკოლოზ ბასილაშვილი ამერიკის ღია პირველობის პირველ წრეში ამერიკელ სებასტიან კორდას დაუპირისპირდება, რომელიც ATP-ის რეიტინგში 45-ე ადგილზე იმყოფება.
ბასილაშვილს კორდას წინააღმდეგ აქამდე არასდროს უთამაშია და პირველად US Open-ზე მოუწევს მასთან თამაში.
გამარჯვების შემთხვევაში ნიკოლოზი 1/32 ფინალში დიდი ალბათობით პაბლო კარენო-ბუსტას შეხვდება, რომელსაც მანამდე კვალიფიკაციის გამარჯვებულთან ელის დაპირისპირება.
ბასილაშვილისა და კორდას მატჩი 30 აგვისტოს გაიმართება. აქვე გეტყვით, რომ ქართველი ჩოგბურთელი US Open-ს გასულ წელს პირველივე წრეში გამოეთიშა.
