საფრანგეთის ნაკრების ყოფილი ვარსკვლავი, ტიერი ანრი, ჟურნალისტებს „პარი სენ-ჟერმენის“ თავდამსხმელის, კილიან მბაპეს შესახებ ესაუბრა.
„არ ვიცი, ამჟამად რა ხდება მბაპეს თავს. დაუსრულებლად შეიძლება მის წასვლა-არწასვლაზე საუბარი. მაგრამ, ფეხბურთელი ასრულებს კონტრაქტის ვალდებულებებს, გააქვს გოლები. ბოლომდე იხარჯება. ცუდს არაფერს აკეთებს. ვინმეს პატივს არ სცემს? ასეთი არაფერი მინახავს.
ადრეც მითქვამს, როცა გამორჩეულ მოთამაშეებზე ვსაუბრობთ, ყიველთვის რაღაც ცუდს ვეძებთ. წვრილმანებზე ვედავებით.
ვიმედოვნებ, ის პარიზში დარჩება. ვნახოთ, რა მოხდება ახლო მომავალში.“ - ციტირებს ანრის სიტყვებს Get French Football News.
ახალდაწყებულ საფრანგეთის ლიგა 1-ში მბაპემ სამივე ტურის მატჩები ჩაატარა და ორი გოლი გაიტანა.
