ცნობილმა იტალიელმა მწვრთნელმა ფაბიო კაპელომ ჯანლუიჯი დონარუმა გააკრიტიკა და თქვა, რომ ის „მილანიდან“ უფასოდ არ უნდა წასულიყო.
„ლუკაკუს წასვლა „ინტერიდან“ ტექნიკურად ისევე იწონის, როგორც დონარუმას წასვლა „მილანიდან“. თუმცა, ჯიჯომ კლუბს 1 ევროც არ მოუტანა და ეს უფრო მაწუხებს. ვინც გაზარდა, მისდამი მეტი მადლიერება იყო საჭირო, თავის ოჯახს უნდა დახმარებოდა“, - თქვა კაპელომ.
შეგახსენებთ, რომ ჯანლუიჯი დონარუმა „მილანიდან“ პსჟ-ში თავისუფალი აგენტის სტატუსით გადავიდა, ხოლო „ინტერმა“ „ჩელსისგან“ რომელუ ლუკაკუში 115 მილიონი ევრო მიიღო.
