მილანის „ინტერი“ ნიდერლანდების ნაკრებისა და პსვ ეინდჰოვენის მცველ დენზელ დუმფრისის შეძენასთან ახლოსაა. იტალიური მედიის ცნობით, მხარეებმა შეთანხმებას თითქმის მიაღწიეს.
„ინტერი“ ნიდერლანდელ ფეხბურთელში 15 მილიონი ევროს გადაიხდის და გარდა ამისა, 5 მილიონი ევროს ოდენობის ბონუსსაც გაიღებენ.
გასულ სეზონში დუმფრისმა ერედივიზიონში 30 მატჩში 2 გოლი გაიტანა. მან ევრო 2020 საკმაოდ მაღალ დონეზე ჩაატარა და 4 შეხვედრაში თავი ორჯერ გამოიჩინა. „ინტერი“ მარჯვენა ფლანგზე აშრაფ ჰაკიმის შემცვლელს ეძებს, რომელიც „პარი სენ ჟერმენში“ გაყიდა.
