ესპანეთის ლა ლიგის 36-ე ტურში „ბარსელონა“ სტუმრად „ლევანტეს“ დაუზავდა (3:3), მიუხედავად იმისა, რომ პირველი ტაიმის შემდეგ ორბურთიან უპირატესობას ფლობდა. რონალდ კუმანის განცხადებით, არ იცის, მის გუნდს მეორე ტაიმში რა დაემართა.

„მწვრთნელის მუშაობა ყოველთვის კრიტიკულად ფასდება. მე მესმის, რომ ასეთი მეორე ტაიმის შემდეგ ჩემთან მიმართებაში კითხვები გაჩნდება. იმედგაცრუებულები ვართ და ვერ ვხდებით, რა მოხდა. ეს უნდა დავივიწყოთ და მომდევნო სეზონისთვის მოვემზადოთ.

ერთ ტაიმში 3 გოლის გაშვება ნორმალური არ არის, განსაკუთრებით „ბარსას“ მსგავსი გუნდისთვის. სეზონი რთულია, ბევრი მატჩია, მაგრამ გუნდს შეუძლია ამას გაუმკლავდეს. ჩვენი მიზანი დარჩენილი სამივე თამაშის მოგება იყო, მაგრამ ახლა ყველაფერი გართულდა. როგორც მწვრთნელმა პასუხისმგებლობა მე უნდა ავიღო“, - თქვა კუმანმა.

შეგახსენებთ, რომ „ბარსელონა“ მეორე ადგილზეა და „ატლეტიკოს“ ერთადერთი ქულით ჩამორჩება, მაგრამ სეზონის დასრულებამდე ორი ტურია დარჩენილი და მადრიდელებს თამაშით ნაკლები აქვთ ჩატარებული.

აქვე გეტყვით, რომ „ბარსელონასთან“ მატჩში „ლევანტეს“ რიგებში გიორგი ქოჩორაშვილმა ითამაშა, რომელმაც ლა ლიგის მესამე შეხვედრაში მიიღო მონაწილეობა.