პორტუგალიაში, ქალაქ აროკას მახლობლად მსოფლიოში ყველაზე გრძელი დაკიდებული საფეხმავლო ხიდი გაიხსნა.
გეოპარკი აროკა, რომლის ტერიტორიაზეც ხიდი აშენდა, იუნესკოს მსოფლიო მემკვიდრეობის ძეგლთა ნუსხაშია შეტანილი. ხიდის სიგრძე 516 მეტრია, ის მდინარე პაივას თავზე, 175 მეტრის სიმაღლეზეა გადაჭიმული.
ადგილობრივი ხელისუფლება იმედოვნებს, რომ ხიდი, რომლის აშენებასაც დაახლოებით 2,3 მილიონი ევრო და 2 წელი დასჭირდა, რეგიონს გამოაცოცხლებს, განსაკუთრებით პანდემიის შედეგად მიყენებული სერიოზული ეკონომიკური ზიანის შემდეგ.
ჯერჯერობით ხიდი მხოლოდ ადგილობრივებისთვისაა გახსნილი, თუმცა ძალიან მალე მის ნახვას ყველა მსურველი შეძლებს.
