გიგა ბოკერია მიიჩნევს, რომ, „ნაციონალური მოძრაობის“ თავმჯდომარის გათავისუფლება ოპოზიციის სხვა მოთხოვნების დაკმაყოფილების გარეშე შეთანხმების საწინდარი ვერ გახდება. „ევროპული საქართველოს“ თავმჯდომარის განცხადებით, ევროპული საბჭოს პრეზიდენტის, შარლ მიშელის დოკუმენტში აღნიშნული ყველა პუნქტი უნდა შესრულდეს.

„ნიკა მელიას რომ გაუშვებენ, ამის შედეგად, ვადამდელი არჩევნების, რურუას გათავისუფლებისა და პოლიტიკური დევნის გაჩერების გარეშე პოლიტიკური კრიზისის განმუხტვა მაინც ვერ მოხდება. ამიტომ, ჩვენი ამოცანა იგივე რჩება - მელიას, რურუას გათავისუფლება, ყველა ის პუნქტი, რომლიც პრეზიდენტ მიშელის დოკუმენტშია მოცემული (უნდა დაკმაყოფილდეს). ამ ყველაფერის შესრულება არის აუცილებელი, იმისთვის რომ დავიწყოთ პოლიტიკური კრიზისიდან გამოსვლა“, - განაცხადა ბოკერიამ.

სასამართლომ „ნაციონალური მოძრაობის“ თავმჯდომარის, ნიკა მელიას მიმართ შეფარდებული აღკვეთის ღონისძიება - პატიმრობა ძალაში დატოვა.