„ფინიქს სანსის“ კალათბურთელმა კრის პოლიმ მინიმუმ 10 შედეგიანი გადაცემა ნაციონალური საკალათბურთო ასოციაციის 500 შეხვედრაში დააგროვა. ამ შედეგით, ის ჯონ სტოქტონს, მეჯიქ ჯონსონს, ჯეისონ კიდსა და სტივ ნეშს შეუერთდა.
პოლისთვის სარეკორდო შეხვედრაში მისმა გუნდმა „სანსმა“ „ჰიუსტონ როკეტსი“ 133:130 დაამარცხა. 35 წლის კალათბურთელის ანგარიშზე კი 19 ქულა, 11 შედეგიანი გადაცემა, 5 მოხსნა და 4 ჩაჭრაა. მთლიანად კარიერაში ჩატარებულ 1 067 მატჩში პოლი საშუალოდ 18,3 ქულას, 9, 4 გადაცემას, 4,5 მოხსნასა და 2,2 ჩაჭრას აგროვებს.
