პარლამენტის თავმჯდომარემ, არჩილ თალაკვაძემ ვენეციის კომისიას პარტიების დაფინანსებისა და რეგისტრაციის გაუქმების შესახებ საკანონმდებლო ცვლილებების პროექტის შეფასების თხოვნით მიმართა. ამის შესახებ ვენეციის კომისია Twitter-ზე წერს.
„საქართველოს პარლამენტის თავმჯდომარემ ვენეციის კომისიისგან მოითხოვა ორი მოსაზრება შემდეგ საკითხებზე: პირველი - საარჩევნო კოდექსის, მოქალაქეთა პოლიტიკური გაერთიანების შესახებ ორგანული კანონისა და პარლამენტის რეგლამენტის შესწორებების პროექტი, და მეორე - საარჩევნო კოდექსის 791-ე მუხლის პროექტი (პარტიის რეგისტრაციის გაუქმება)“, - ნათქვამია ვენეციის კომისიის განცხადებაში.
2020 წლის დეკემბერში „ქართული ოცნება“ გამოვიდა ინიციატივით, მეორე მოსმენით განხილვამდე პარტიების დაფინანსების და საარჩევნო რეგისტრაციის გაუქმების შესახებ კანონპროექტები ოდირსა და ვენეციის კომისიას გადაეგზავნოს.
