მართლა არ ვიცი, როგორ უნდა მოახერხოს ნინო ანანიაშვილმა (ან ნებისმიერმა სხვამ) ერთდროულად ნოვოსიბირსკისა და თბილისის საბალეტო დასების ხელმძღვანელობა, - ამის შესახებ „ინტერპრესნიუსს“ კულტურის სფეროს წარმომადგენელმა, მწერალმა დათო ტურაშვილმა განუცხადა.
„როგორი კარგი ნახტომიც არ უნდა გქონდეს წარსულში, მაინც ძალიან ძნელია, რომ ასეთ დისტანციაზე მართო ორი თანამედროვე თეატრი“, - აღნიშნა ტურაშვილმა.
შეგახსენებთ, რომ ქართველი პრიმა ბალერინა ნინო ანანიაშვილი რუსეთში, ნოვოსიბირსკის ბალეტს უხელმძღვანელებს. პარალელურად ის თბილისის ოპერისა და ბალეტის სამხატვრო ხელმძღვანელის თანამდებობაზე რჩება.
2020 წელს საქართველომ უცხოურ ბაზრებზე 665 ტონა მოცვი გაიტანა, ხოლო ექსპორტიდან მიღებულმა შემოსავალმა 3,8 მილიონი დოლარი შეადგინა, რაც რეკორდული მაჩვენებელია. აქვე გასათვალისწინებელია, რომ მოცვი არის ყველაზე ძვირადღირებული საექსპორტო საქონელი, ხილის, ბოსტნეულისა და თხილის კატეგორიაში.
ქართული მოცვის დაახლოებით 95% გავიდა რუსეთის ბაზარზე, ერთი საექსპორტო პარტია კი (12 ტონა), ევროკავშირის ქვეყანაში - პოლონეთში. ამასთან, 2020 წელს ქართული წარმოების 6-8 ტონა მოცვი ექსპორტირებულია სომხეთში, არაბთა გაერთიანებულ საემიროებსა და უკრაინაში.