სამომხმარებლო სესხები ხშირად აღიქმება, როგორც სწრაფი გამოსავალი დროებითი პრობლემების გადასაჭრელად - საყოფაცხოვრებო ტექნიკის შესაძენად, საოჯახო ხარჯების დასაფარად ან მცირე რემონტისთვის. თუმცა, რეალურად, სწორად დაგეგმილი და გონივრულად გამოყენებული სესხი შეიძლება გახდეს არა ფინანსური ტვირთი, არამედ სამომავლო ინვესტიცია.
ამ სტატიიდან გაიგებ როგორ უნდა გამოიყენო სამომხმარებლო სესხი ისე, რომ ის მართლა შემოსავლის ან ცხოვრების ხარისხის გაუმჯობესების წყაროდ იქცეს.
სესხი საჭიროებისთვის თუ მიზნისთვის
სესხის აღება ხშირად ხდება სწრაფად და ემოციურად, მაგრამ პირველი კითხვა, რაც უნდა დაუსვა საკუთარ თავს არის:
“ეს სესხი პრობლემის დროებითი გადაჭრის მცდელობაა თუ ჩემი მიზნის მიღწევის საშუალება?”
● მაგალითად, ტელევიზორის ყიდვა ემოციური სურვილია
● კურსებზე სიარული, რაც პროფესიულ განვითარებას უზრუნველყოფს - გრძელვადიანი ინვესტიცია
● ერთჯერადი მოგზაურობა – სიამოვნება
● საყოფაცხოვრებო ტექნიკა მცირე საოჯახო ბიზნესისთვის – შემოსავლის წყარო
5 გზა, როგორ შეიძლება სამომხმარებლო სესხი ინვესტიციად იქცეს
1. განათლება და კვალიფიკაცია – ონლაინ კურსები, პროფესიული გადამზადება, უცხო ენების სწავლა – ეს ყველაფერი ზრდის შენს შრომით ღირებულებას.
2. ბევრი ადამიანისთვის სწორედ მცირე სესხი გახდა დასაწყისი პირადი სტაბილურობისთვის. თუ გაქვს იდეა და გეგმა – ეს სესხი არა ხარჯი, არამედ ინვესტიციაა.
3. თუ სესხს იყენებ სახლის რემონტისთვის, ეს გრძელვადიან პერსპექტივაში ხარჯების შემცირებას ნიშნავს.
4. საჭირო სამედიცინო მომსახურებაზე სესხის აღებამ, შეიძლება თავიდან აგაცილოს გაცილებით დიდი ხარჯები მომავალში.
5. ძველი, მაღალი საპროცენტო სესხების ჩანაცვლება უფრო დაბალპროცენტიანით, ფინანსურ სტაბილურობას ზრდის და დანაზოგსაც იძლევა.
როგორ მივიღოთ გონივრული გადაწყვეტილება სესხის აღებისას?
● განსაზღვრე კონკრეტული მიზანი, სესხი უნდა ემსახურებოდეს შენს კონკრეტულ გეგმას.
● ყოველთვიური გადახდები არ უნდა აღემატებოდეს შენი შემოსავლის 30-40%-ს.
● დაინტერესდი რეალური წლიური საპროცენტო განაკვეთით
● შეადარე სხვადასხვა ფინანსური ორგანიზაციების შეთავაზებები - ბანკებში, მიკრობანკებსა და მიკროსაფინანსო ორგანიზაციებში პირობები მკვეთრად განსხვავდება.
როგორც ხედავ, სამომხმარებლო სესხი შესაძლოა გახდეს სამომავლო ინვესტიცია. შეაფასე შენი საჭიროება და გამოიყენე სესხი როგორც ბერკეტი შენი მომავლის გასაუმჯობესებლად.
