ოსკარის დაჯილდოების ცერემონია ტრადიციულ და არა ვირტუალურ ფორმატში ჩატარდება. ამის შესახებ Variety ამერიკული კინოაკადემიის წარმომადგენელზე დაყრდნობით წერს.
ღონისძიება ყოველწლიურად ლოს-ანჯელესში Dolby Theatre-ში, თებერვლის ბოლოს ტარდება. პანდემიის გამო 2021 წლის ცერემონია აპრილზე გადაიტანეს. ცნობილია, რომ კინოაკადემიის წარმომადგენლებმა თეატრი ცოტა ხნის წინ მოინახულეს რათა გაერკვიათ რამდენი სტუმრის მოწვევას შეძლებენ ყველა წესის დაცვით.
პრემიის ნომინანტების სია ამ ეტაპზე უცნობია.
