ინგლისური გამოცემა football london-ი „ტოტენჰემის“ მთავარ მწვრთნელ ჟოზე მოურინიოს საქართველოს ნაკრებისა და „გენტის“ შემტევის, გიორგი ჩაკვეტაძისთვის ყურადღების მიქცევას ურჩევს.

გამოცემამ გამოარჩია ოთხი „ფარული ტალანტი“ და მათი შეძენა ურჩია. ერთ-ერთი ჩაკვეტაძეა, რომლის შესახებ გამოცემა წერს:

„ჩაკვეტაძის სახელი „ტოტენჰემის“ გულშემატკივრებისთვის ნაცნობი უნდა იყოს, რადგან საქართველოს ნაკრების ფეხბურთელი ჩრდილოეთ ლონდონური გუნდთან ადრე იყო დაკავშირებული. შემტევი ნახევარმცველი მშობლიური კლუბიდან, „დინამო თბილისიდან“ თინეიჯერულ ასაკში „გენტში“ გადავიდა, სადაც მესამე სეზონს ატარებს. მან მუხლზე სერიოზული ტრავმა მიიღო და გასულ სეზონში დაუბრუნდა თამაშს. მიმდინარე სეზონში ჩემპიონთა ლიგის საკვალიფიკაციო ეტაპზე ვენის „რაპიდთან“ ითამაშა. მას საქართველოს ნაკრებში 9 მატჩში 5 გოლი აქვს გატანილი და იმედოვნებს, რომ ნოემბერში მონაწილეობას მიიღებს ჩრდილოეთ მაკედონიასთან მატჩში, სადაც ევროპის ჩემპიონატს საგზური გათამაშდება.

მიუხედავად იმისა, რომ „ტოტენჰემი“ შეტევაში კარგად არის დაკომპლექტებული, 21 წლის ფეხბურთელი მხედველობაში უნდა ჰყავდეთ, თუ მოურინიო გადაწყვეტს შემადგენლობის განტვირთვას უფრო გამოცდილი ფეხბურთელებისგან და მათ ახალგაზრდა მოთამაშეებით შეცვლის“, - წერს ვებგვერდი.

ჩაკვეტაძის გარდა, სტატიაში ნახსენებია დონეცკის „შახტარის“ ფეხბურთელი მანორ სოლომონი, ყაზანის „რუბინის“ მოთამაშე ფილიპ ურემოვიჩი და „ტვენტეს“ წევრი ლინდონ სელაჰი.

შეგახსენებთ, გიორგი ჩაკვეტაძეს ამჟამად ტრავმა აქვს. მან მიმდინარე სეზონში 4 მატჩში 1 საგოლე პასი და 1 მოპოვებული პენალტი ჩაიწერა აქტივში. გიორგის ბელგიურ კლუბთან კონტრაქტი 2023 წლის 30 ივნისამდე აქვს გაფორმებული.