ბიზნესმენი დავით ხიდაშელი, რომელმაც ქართულ მხარეს დავით გარეჯთან დაკავშირებული ახალი კარტოგრაფიული მასალები გადასცა, პროკურატურაში კიდევ ერთხელ გამოიკითხა.
დავით ხიდაშელის ახალი ჩვენება ჯერ არ უნახავთ დაკავებულ ივერი მელაშვილისა და ნატალია ილიჩოვას ადვოკატებს.
უცხო ქვეყნისთვის საქართველოს ტერიტორიის ნაწილის გადაცემისკენ მიმართული მოქმედების განხორციელების ფაქტზე, საქართველო-აზერბაიჯანის საზღვრის დელიმიტაცია-დემარკაციის საკითხზე მომუშავე კომისიის წევრები 7 ოქტომბერს დააკავეს.
გამოძიების მიხედვით, ამ ქმედებების შედეგად, საქართველოს საზიანოდ, აზერბაიჯანისთვის 3500-მდე ჰექტარი ფართობი მიწის გადაცემის საფრთხე შეიქმნა.
საქართველოსთვის გადმოცემული რუკების ასლები საპატრიარქოსაც გადაეცა. უმაღლესი სასულიერო პირების განცხადებით, გარეჯი საქართველოს სულიერი და კულტურული ფასეულობაა.
საქართველო-აზერბაიჯანის საზღვრის დელიმიტაცია-დემარკაციის საკითხზე მომუშავე კომისიის ყოფილი წევრების, ივერ მელაშვილისა და ნატალია ილიჩოვას საქმემ უკვე გაიარა საქალაქო და სააპელაციო განხილვები. ორივე ინსტანციამ მელაშვილი და ილიჩოვა პატიმრობაში დატოვა.
რა რჯიდა, რა ბოროტი განზრახვა ჰქონდა, ამას რომ აკეთებდა?..
თან, რუსეთში ყოფილა დაბეჭდილი ზოგიერთი რუკა!.. ოკუპანტ რუსეთში!!! წარმოგიდგენიათ?
აბა, მაგისთანა რუკის ნდობა შეიძლება?!
ხომ გვაქვს ჩვენი, მშობლიური, ეროვნული რუკები, რომლის თანახმადაც მთელი ეს ტერიტორია - 3500 კვადრატული კილომეტრი - სულ აზერბაიჯანის ყოფილა!
რად გვინდოდა ეს ძველი, ბოლშევიკების დროინდელი რუკები?
შარს ვეძებთ?
სწორი უთქვამს ნიკას: დასაჭერია ეს კაცი!