წერილში, რომელიც უკვე უკვე გამოქვეყნებულია საჯაროდ და მე მივწერე 2005 წელს აზერბაიჯანის პრემიერ-მინისტრს, მე ვწერ დავით-გარეჯის კომპლექსის იმ 3 სალოცავზე, რომელიც სამწუხაროდ და ფაქტიურად აზერბაიჯანის ტერიტორიაზე, თუმცა 2 მათგანი სადაოა. ჩვენ ამ საკითხის განხილვა გვქონდა უშიშროების საბჭოს სხდომაზე და სააკაშვილმა ამ სხდომაზე მომხსენებელს დაუსვა კითხვა, საზღვრის დელიმიტაციისა და დემარკაციის შედეგად, საით აღმოჩნდებოდა დავით-გარეჯის კომპლექსი,- ამის შესახებ საქართველოს ყოფილმა პრემიერ-მინისტრმა, ზურაბ ნოღაიდელმა „ქრონიკაში“ განაცხადა.
მისი თქმით, სხდომაზე პირდაპირ ითქვა, რომ სამწუხაროდ დავით-გარჯის სალოცავები, საქართველოს ხელთ არსებული დოკუმენტაციებისა და რუკების შესაბამისად, ნებისმიერ შემთხვევაში აზერბაიჯანის მხარეს დარჩებოდა.
„საუბარი იმაზე არ იყო, რომ ჩვენს ხელთ სხვა რუკებია და სხვაგან სხვა და იმით უკეთესი პოზიციები გვაქვს. ნებისმიერ შემთხვევაში, ყოველგვარი თუს გარეშე, დავით-გარეჯის სალოცავების ნაწილი დარჩებოდა აზერბაიჯანის მხარეს. შემდეგ ამას მოჰყვა განხილვა და საბოლო ჯამში, პრეზიდენტმა სააკაშვილმა მიიღო კიდევ გადაწყვეტილება, რომლის მიხედვითაც ჩვენი ამოცანა იყო, ამ სალოცავების ქართულ და ქრისტიანულ სალოცავებად შენარჩუნება, თან ისინი იმ მომენტში უმძიმეს მდგომარეობაში იყვნენ“- განაცხადა ზურაბ ნოღაიდელმა.
როგორც ყოფილი პრემიერი განმარტავს, მისი ეს წერილი უშუალოდ ვერ იქნება გამოყენებული იმისთვის, რომ აზერბაიჯანის მხარემ პრეტენზია განაცხადოს ამ ტერიტორიებზე. მისი თქმით, ეს საკითხი დგინდება მხოლოდ დელიმიტაციისა და დემარკაციის კომისიის ფარგლებში.