მსახიობი ტომ კრუზი და რეჟისორი დაგ ლაიმანი ახალი ფილმისთვის სცენების გადასაღებად კოსმოსში 2021 წლის ოქტომბერში გაემგზავრებიან. ამის შესახებ Deadline-ი წერს.
გამოცემის ინფორმაციით, ფრენის ორგანიზატორები იქნებიან კომპანიები Space X და Axiom Space. მსახიობს და რეჟისორს საერთაშორისო სადგურზე ილონ მასკის ხომალდი Crew Dragon წაიყვანს. კრუზის და ლაიმანის გარდა ბორტზე ასტრონავტი მაიკლ ელადიო ლოპეს-ალეგრია და კიდევ ერთი მგზავრი იქნება, რომლის ვინაობაც ჯერჯერობით უცნობია, თუმცა მედიაში ვარაუდობენ, რომ ეს ფილმის ოპერატორი იქნება.
ინფორმაცია კოსმოსში პირველი ფილმის გადაღების შესახებ მაისის დასაწყისში გავრცელდა. პროექტში მონაწილეობამ NASA-მ დაადასტურა. სიუჟეტის დეტალები ამ დრომდე უცნობია.
