მეცნიერებმა ანტარქტიდაზე პინგვინების ახალი კოლონიები აღმოაჩინეს

მეცნიერებმა ანტარქტიდაზე პინგვინების ახალი კოლონიები აღმოაჩინეს

მეცნიერებმა თანამგზავრის დახმარებით ანტარქტიდაზე საიმპერატორო პინგვინების მრავალრიცხოვანი კოლონიები აღმოაჩინეს. ამის შესახებ BBC წერს.

გამოცემის ინფორმაციით, ანტარქტიკის შესწავლის ბრიტანულმა ცენტრმა ამისთვის ევროპული სატელიტი Sentinel-2 გამოიყენა, რომელმაც პინგვინების ბინადრობის აქამდე უცნობი კვალის საძიებლად კონტინენტის ზედაპირის სკანირება განახორციელა. კოსმოსიდან გაკეთებულ ფოტოებზე მათ ყინულზე პინგვინების განავლის (გუანო) ფართო ლაქებით აფიქსირებენ.

ახალი ფოტოების დახმარებით მეცნიერებმა 8 ახალი კოლონია აღმოაჩინეს და მანამდე ნაპოვნი კიდევ სამის არსებობა დაადასტურეს. შედეგად, საიმპერატორო პინგვინების პოპულაცია 5-10%-ით გაიზარდა და მათი რაოდენობა უკვე 278, 5 ათას რეპროდუქტიულ წყვილს შეადგენს. თუმცა ახალი კოლონიები ისეთი რეგიონებშია, სადაც ყინულის საფარი არასტაბილურია, რამაც პოპულაციას შესაძლოა საფრთხე შეუქმნას.

სპეციალისტების თქმით, ეს სასიხარულო ამბავია, რადგან 21-წ საუკუნეში ეს ფრინველები რეგიონში დათბობის გამო საფრთხის ქვეშ აღმოჩნდნენ. მათი ცხოვრება მჭიდროდ ყინულთან არის დაკავშირებული, რომლის ფართობიც მომდევნო ათწლეულში შემცირდება. ერთ-ერთი პროგნოზის მიხედვით, 2100 წლისთვის საიმპერატორო პინგვინების პოპულაცია ორჯერ შემცირდება.