Microsoft-ის დამარსებელი, მილიარდერი ბილ გეითსი მიიჩნევს, რომ 2020 წლის ბოლოს კორონავირუსით დაღუპულთა რაოდენობა შემცირდება. ამის შესახებ cnbc წერს.

ბილ გეითსის განცხადებით, ლეტალური შემთხვევების შემცირებას ანტივირუსული პრეპარატები გამოიწვევს, რომელსაც ექიმები პაციენტების მკურნალობისას იყენებენ.

გეითსმა რემდესივირი COVID-19-ის სამკურნალოდ წამყვან პრეპარატად დაასახელა. მისი თქმით, მედიკამენტის გამოყენების შედეგად, მძიმე პაციენტების დაღუპვის მაჩვენებელი 62%-მდე შემცირდა. მისი განცხადებით, მეცნიერები კიდევ ორ ანტივირუსულ პრეპარატს სწავლობენ.

ამ ეტაპზე მსოფლიოში ვაქცინის შექმნაზე 200-ზე მეტი ჯგუფი მუშაობს.

ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა. მანამდე კი, 30 იანვარს ჯანმომ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით.