სერენა უილიამსი და ნატალი პორტმანი ქალთა საფეხბურთო კლუბს დააფუძნებენ

სერენა უილიამსი და ნატალი პორტმანი ქალთა საფეხბურთო კლუბს დააფუძნებენ

ამერიკელი ჩოგბურთელი, ოთხგზის ოლიმპიური ჩემპიონი სერენა უილიამსი და ოსკაროსანი მსახიობი ნატალი პორტმანი ქალთა საფეხბურთო კლუბს დააფუძნებენ. ამის შესახებ გამოცემა Bleacher Report-ი წერს.

აშშ-ის ქალთა ეროვნული საფეხბურთო ლიგის (NWSL) ინფორმაციით, 2022 წლიდან ჩემპიონატს ახალი კლუბი დაემატება, რომელიც ლოს-ანჯელესში იქნება ბაზირებული. სერენა უილიამსთან და ნატალი პორტმანთან ერთად კლუბის თანამფლობელები აშშ-ის ნაკრების ყოფილი ფეხბურთელები - მია ჰამი, ჯული ფაუდი და ები უომბახი იქნებიან.

NWSL 2012 წელს დაფუძნდა და ახლა ჩემპიონატში 9 კლუბი მონაწილეობს. უკვე ცნობილია, რომ 2021 წელს მათ ლუისვილში ბაზირებული კლუბი დაემატება, სერენა უილიამსისა და ნატალი პორტმანის გუნდი კი ჩემპიონატის მე-11 მონაწილე იქნება.