„ბარსელონას“ ფორვარდმა მესიმ „ლა ლიგაში“ ახალი რეკორდი დაამყარა. ის ერთადერთი ფეხბურთელია, ვინც ესპანეთის ჩემპიონატის ზედიზედ 12 სეზონზე 20 გოლის გატანა შეძლო.
28-ე ტურში კატალონიელებმა „მალიორკა“ 4:0 დაამარცხეს. მეოთხე გოლი შეხვედრაში სწორედ 32 წლის არგენტინელმა გაიტანა.
2008-2009 წლების სეზონზე მესიმ 23 გოლი მიითვალა. მას შემდეგ მას "ბარსას" მაისურით სეზონზე 20-ზე ნაკლები გოლი არ გაუტანია.
