აშშ-ში, ტეხასის შტატის მცხოვრებმა აუქციონზე ნაყიდ ავტომობილში თითქმის 35 კილოგრამი კოკაინი აღმოაჩინა, რომლის ღირებულებაც დაახლოებით $850 ათასს შეადგენს. ამის შესახებ Houston Chronicle-ი წერს.
გაზეთის ინფორმაციით, კაცმა ნარკოტიკული ნივთიერებით სავსე 17 შეკვრა მანქანის საიდუმლო განყოფილებაში აღმოაჩინა და მომხდარის შესახებ ადგილობრივ პოლიციას შეატყობინა. ადგილზე მისულმა სამართალდამცველებმა ძაღლის დახმარებით ავტომობილში დამალული კიდევ 17 შეკვრა აღმოაჩინეს.
