ლა ლიგის განახლების თარიღი ცნობილია

ლა ლიგის განახლების თარიღი ცნობილია

ლა ლიგის ხელმძღვანელობა სეზონის დასრულებას აპირებს თუმცა, სეზონი 19 ივნისამდე გადადო. აღნიშნულ ინფორმაციას Mundo Deportivo ავრცელებს.

ხანგრძლივი შესვენების შემდეგ ესპანეთის ჩემპიონატის პირველი მატჩი ანდალუზიური დერბი "სევილიასა" და "ბეტისს" შორის შედგება, რომელიც ეროვნული ჩემპიონატის 28-ე ტურის ფარგლებში გაიმართება.

თავდაპირველად ლა ლიგის განახლების თარიღად 12 ივნისი სახელდებოდა, მაგრამ ლიგის ხელმძღვანელობამ გადაწყვიტა დაგეგმილი თარიღი 1 კვირით გადაედო.

ამის მიზეზი კი ის გახდა, რომ კლუბები სრულფასოვან ვარჯიშებს 1 ივნისამდე ვერ განაახლებენ. ამასთან, ლა ლიგაში სურთ, რომ გუნდებს მინიმუმ ორი კვირა ჰქონდეთ ჩემპიონატის აღდგენის დასაწყებად, რის გამოც მათ შეხვედრები გადადეს.

შეგახსენებთ, ესპანეთის ჩემპიონატს 27 ტურის შემდგომ 58 ქულით „ბარსელონა“ ლიდერობს, რომელსაც მადრიდის „რეალი“ 2 ქულით ჩამორჩება. რაც შეეხება ლა ლიგას, ის მარტის დასაწყისში კორონავირუსის გამო შეჩერდა.