მსახიობი ენტონი ჰოპკინსი პოპულარულ ვიდეოპლატფორმა TikTok-ზე გამოჩნდა. პირველ ვიდეოში 82 წლის ჰოპკინსი რეპერ Drake-ის სიმღერა Toosie Slide-ზე ცეკვავს.
„სჯობს გვიან, ვიდრე არასდროს“, - დაწერა ენტონი ჰოპკინსმა და გამოწვევა სილვესტრ სტალონესა და არნოლდ შვარცენეგერს გაუგზავნა.
სიმღერა Toosie Slide Drake-მა მიმდინარე წლის აპრილში გამოუშვა. ვიდეორგოლში რეპერის ცეკვა პოპულარულ ჩელენჯად იქცა, რომელშიც არაერთი ცნობილი პირი ჩაერთო.
