ჰარუ ბაშოს მე-3 საშეჯიბრო დღეს პირველი გამარჯვება იზეიმა ლევან გორგაძემ. ტოჩინოშინი მე-8 მაეგაშირა კირიბაიამას შეხვდა და მისი დამარცხება ადვილად, იორიკირის ილეთით მოახერხა.
ეს აღნიშნული წყვილის პირველი ორთაბრძოლა იყო, გამომდინარე აქიდან ტოჩიმ ურთიერთშეხვედრებში მოგება-წაგების ბალანსი თავის სასარგებლოდ გახსნა.
გაზაფხულის პირველ ბაშოზე ქართველ სუმოისტს 1 გამარჯვების საპირისპიროდ 2 მარცხი აქვს და დადებითი ბალანსის გასანაღდებლად კიდევ 7 მოგება მართებს. ტოჩინოშინის შემდეგი მეტოქე კი მე-9 მაეგაშირა ტაკანოშო იქნება, როელსაც ჰარუ ბაშოზე ყველა ორთაბრძოლა მოგებული აქვს. ლევანთან ურთიერთშეხვედრებში კი 25 წლის მეტოქეს 1 მოგების წილ არცერთი მარცხი არ აქვს.
