მიუნხენის „ბაიერნი“ ძველებურად ათამაშდა და დაუნდობელი გახდა. ფორმაში შევიდა ტომას მიულერიც, რომელიც სეზონის დასაწყისში ხშირად სათადარიგო სკამზე იჯდა.
გერმანელმა ფეხბურთელმა „ჩელსისთან“ მატჩის შემდეგ აღნიშნა, რომ პეპ გვარდიოლას გუნდიდან წასვლის მერე „რეკორდმაისტერმა“ სხვა მწვრთნელების (უფრო მეტად კი, კარლო ანჩელოტის) ხელში საკუთარი სახე დაკარგა.
„როდესაც შევძელით სტაბილურობა და თამაშის კონტროლი, ჩემთვის უფრო ადვილი გახდა პოზიტიური გავლენის მოხდენა. გვარდიოლას წასვლის შემდეგ ჩვენ წარმატებული სეზონები არ გვქონია. სინამდვილეში, ზოგჯერ თავი შორეულ დასავლეთში გვეგონა, ყველაფერი, რასაც მშვენიერ წლებში მივაღწიეთ და ვისწავლეთ, დაიკარგა. იქმნებოდა შთაბეჭდილება, რომ ყველაფერი შეიძლებოდა მომხდარიყო. შესაძლოა მაყურებლისთვის ეს უფრო სახალისოც იყო“, - თქვა მიულერმა.
