ნიუ-იორკში ხანდაზმული ქალი მე-7 სართულიდან გადავარდა და გადარჩა. ამის შესახებ Daily News-ი წერს.
შემთხვევა 24 იანვარს მოხდა. 76 წლის ბარბარა ჰელერი, რომელმაც ზურგზე ოპერაცია გადაიტანა და გადაადგილება უჭირდა, სახლში მეგობართან ერთად იყო. მან სუფთა ჰაერის ჩასუნთქვა გადაწყვიტა, ფანჯარასთან მივიდა და მოულოდნელად გადავარდა.
ადგილობრივი პოლიციის ცნობით, ამერიკელი ხილით სავსე ყუთებს დაეცა, რამაც ის გადაარჩინა. ქალი საავადამყოფოში გადაიყვანეს, მას მენჯის ძვალი და ნეკნები და ასევე ფილტვები დაუზიანდა.
