იაპონიას უძლიერესი ტაიფუნი „ჰაგიბისი“ უახლოვდება. სტიქია კუნძულებისკენ სამხრეთ-აღმოსავლეთიდან მიიწევს. სინოპტიკოსების პროგნოზით, ტაიფუნი ტოკიოსა და მის შემოგარენს 12 ოქტომბერს დაატყდება თავს.
ქარის სიჩქარე წამში 50-დან 70 მეტრამდე აღწევს. მეტეოროლოგები სტიქიას 1958 წლის ტაიფუნ „იდას“ ადარებენ, რომელმაც 1269 ადამიანი იმსხვერპლა. უსაფრთხოების უზრუნველსაყოფად ავიაკომპანიებმა უკვე გააუქმეს 800-ზე მეტი რეისი. მიმოსვლას აჩერებენ სარკინიგზო და საზღვაო კომპანიებიც. შაბათ-კვირას სასწავლო პროცესიც შეწყდება.
