“სულ არ გამიკვირდება, რომ ირაკლი ალასანია პოლიტიკაში დაბრუნდეს“,- ამის შესახებ “2020NEWS“ -თან პოლიტიკის ექსპერტმა კავკასიის საკითხებში მამუკა არეშიძემ განაცხადა.

მისივე თქმით, “თავისუფალი დემოკრატების“ დამფუძნებელი და ლიდერი ირაკლი ალასანია პოლიტიკაში ამერიკელ კოლეგებთან შეთანხმებით დაბრუნდება.

“დარწმუნებული ვარ, რომ ირაკლი ალასანიას პოლიტიკაში დაბრუნდება მის ზოგიერთ ამერიკელ კოლეგასთან შეთანხმებით მოხდება და არა იმიტომ, რომ ვიღაცას უნდა ან არ უნდა. ალასანია დიდხანს იმყოფებოდა ამერიკაში, სადაც დარწმუნებული ვარ, შესაბამისი სისტემა შექმნა კონტაქტებისა“,- განაცხადა მამუკა არეშიძემ.

“2020NEWS“ -ის ინფორმაციით, “თავისუფალი დემოკრატების“ დამფუძნებლი ირაკლი ალასანია, სავარაუდოდ, პოლიტიკაში ბრუნდება. ამავე პარტიის ერთ-ერთი ლიდერის, ნინო გოგუაძის განცხადებით, ალასანიას გეგმებში პოლიტიკაში დაბრუნება 2020 წლის შემდეგ შედის, თუმცა შესაძლოა, “მოულოდნელი გადაწვეტილებაც მიიღოს“.