სტუდია Disney მულტფილმ „ჩიპი და დეილის“ რიმეიქს გადაიღებს. ამის შესახებ გამოცემა Variety წერს.
ამ დროისთვის 39 სერიის გადაღება არის დაგეგმილი. თითოეული ეპიზოდი 7 წუთს გრძელდება. გავრცელებული ინფორმაციით, მულტფილმის ახალ ვერსიაში თანამედროვე სიუჟეტები იქნება გამოყენებული, თუმცა ანიმაციის სტილისტიკა ტრადიციული დარჩება.
Disney-ს ოფიციალურ საიტზე მულტფილმის ახალი ვარიანტის პრომოკადრია წარმოდგენილი.
მულტფილმზე მუშაობაში ჩაერთვება ფრანგული კომპანია Xilam-იც, რომელიც საბავშვო და საოჯახო კონტენტზე მუშაობს.
სავარაუდოდ, ახალი მულტსერიალი სტრიმინგ-სერვის Disney+-ზე 2019 წლის ბოლოს გამოვა.
