ნაცუ ბაშოს დაწყებამდე ერთი დღე დარჩა. როგორც იცით ლევან გორგაძე გაზაფხულის მეორე სუპერტურნირს სეიკივაკის წოდებით ხვდება. ტოჩინოშინმა გასულ ორ ბაშოზე უარყოფითი ბალანსი დააფიქსირა, რის გამოც დასავლეთის მე-2 ოძეკის ტიტული დასავლეთისვე სეკივაკის წოდებით შეეცვალა.
ქართველ სუმოისტს ოძეკის ტიტულის დასაბრუნებლად მინიმუმ 10 ორთაბრძოლის მოგება მართებს.
რაც შეეხება თეიმურაზ ჯუღელს, რანგით მეორე დივიზიონ ჟურიოში მოასპარეზე ქართველმა გოლიათმა მარტში 15 შეჯიბრებიდან 8 მოიგო და დადებითი ბალანსი ჰქონდა, ამიტომ მცირე პროგრესი განიცადა და 1 საფეხურით დაწინაურდა. გაგამარუ ნაცუ ბაშოზე აღმოსავლეთის მე-7 ნომრის რანგით იასპარეზებს.
წლის მესამე სუპერტურნირის დაწყებამდე კი ტოჩინოშინისა და გაგამარუს პირველი მეტოქეების ვინაობა უკვე ცნობილია.
სუმოს ასოციაციის მიერ გამოქვეყნებული განრიგის მიხედვით ტოჩის პირველი მეტოქე მე-3 მაეგაშირა ჩიოტაირიუ იქნება. ჩვენებურს იაპონელ მეტოქესთან ურთიერთშეხვედრებში დადებითი ბალანსი აქვს და ჩატარებული 8 ორთაბრძოლიდან 6-ჯერ მოიგო, 2-ჯერ კი მარცხი განიცადა.
გაგამარუ პირველ საშეჯიბრო დღეს დაიშომარუსთან მოსინჯავს ძალებს, რომელსაც აქამდე 7-ჯერ შეხვედრია და აღნიშნული ორთაბრძოლებიდან მეტოქე 4-ჯერ დაამარცხა, 3-ჯერ კი დამარცხდა.