კატალონიის "ბარსელონა" ზაფხულის სატრანსფერო პერიოდში ბრაზილიის ეროვნული ნაკრების და ლონდონის "ჩელსის" შემტევის ვილიანის გადაბირებას შეეცდება. აღნიშნული ინფორმაცია Daily Telegraph-მა გაავრცელა.
ბრიტანული გამოცემის ინფორმაციით, გასულ წელს "ბლაუგრანას" შემოთავაზება "ჩელსიმ" უარყო და მიუხედავად ამისა, ესპანელები ფეხბურთელის სანაცვლოდ მოლაპარაკებას ამჟამად გასულ წელთან შეარებით ნაკლები თანხით დაიწყებენ. ვილიან კლუბთან კონტრაქტი 2020 წლამდე აქვს გაფორმებული და ჯერჯერობით კლუბთან ხელშეკრულების გაგრძელება არ სურს, რაც "ბარსელონასთვის" აძლევს ხელს.
კატალონიელთა საქმე შესაძლოა ფიფას "ჩელსისადმი" სატრანფერო აკრძალვამ გაართულოს. იმ შემთხვევაში თუ "არისტოკრატები" ვილიანს გაყიდიან, მის შემცვლელს ვერ მოიყვანენ, აქედან გამომდინარე კლუბი ყველანაირად შეეცდება ბრაზილიელის შენარჩუნებას. ვილიანმა მიმდინარე სეზონში 49 მატჩი ჩაატარა, გაიტანა რვა გოლი და თოთხმეტი საგოლე გადაცემა შეასრულა.
