თემურ ქეცბაია "ანორთოსისში" მისვლის შემდეგ სამი ქართველი ფეხბურთელის წაყვანას გეგმავს.
კვიპროსული გამოცემის მტკიცებით, ფაქტობრივად, გადაწყვეტილია, რომ უკლუბოდ მყოფი თორნიკე ოქრიაშვილი კარიერას კვიპროსულ კლუბში განაგრძობს. დაიწერა, რომ არის შანსი, თემურ ქეცბაიას "ანორთოსისში" გიორგი ლორიაც გაჰყვეს, დღეს გავრცელებული ინფორმაციით კი, ამ სიას გიორგი ნავალოვსკიც ემატება.
32 წლის მარცხენა მცველი 2019 წლის დასაწყისში ბათუმის "დინამოს" შეუერთდა, მანამდე კი მინსკის "დინამოს" ღირსებას იცავდა.
კვიპროსული მედია წერს, რომ თემურ ქეცბაია "ანორთოსისის" მთავარი მწვრთნელის პოსტს სეზონის ბოლოს ჩაიბარებს, ხოლო კვიპროსულ კლუბში ამ მომენტისთვის ორი ქართველი ფეხბურთელი უკვე თამაშობს - ბექა მიქელთაძე და ნიკა კაჭარავა.
