რამდენიმე თვის წინ, ქეთა თოფურიასა და რეპერი გუფის ვარსკვლავური წყვილი დაშორდა, როგორც გაირკვა, ამის მიზეზი გუფისა და 18 წლის ეკატერინბურგელი გოგონას ურთიერთობა გახდა, რომელმაც თავად გადაწყვიტა საზოგადოებისთვის სკანდალური ინფორმაციის გაზიარება.
"არ ვიცი, შესაძლოა, იმის შესახებ, რომ მარტოობის ძალიან მეშინია, ადრეც მისაუბრია, ეს იყო მიზეზი იმისა, რომ მარტო არასდროს ვრჩებოდი, ახლა კი, ვაანალიზებ რომ შეცდომაა გეშინოდეს საკუთარ თავთან შეხვედრის... ახლა ჩემთვის კომფორტული გახდა მარტოობა, ზოგჯერ მოსაწყენია, მაგრამ დავუმეგობრდი საკუთარ თავს, ვისწავლე მისი მოსმენა და ძალიან დიდი სურვილი მაქვს რომ თითოეულმა თქვენგანმაც საკუთარი თავთან თუნდაც ერთი საათი მაინც გაატაროს დღეში" - სწორედ ამ სიტყვებით გამოეხმაურა ქეთა გუფისთან ერთწლიანი რომანის დასრულებას მაშინ.
რეპერს მომხდარის შესახებ ოფიციალური კომენტარი არ გაუკეთებია, თუმცა გუშინ მისი სოციალური ქსელის გამომწერების ყურადღება ერთმა უცნაურმა ფაქტმა მიიპყრო, გუფიმ ამჯერად ინსტაგრამზე ყოფილი მეუღლის - აიზა ანოხინას ფოტო გამოაქვეყნა, რამაც ორაზროვნება გამოიწვია.
აიზა და გუფი 2014 წელს ექვწლიან თანაცხოვრების შემდეგ დაშორდნენ და მათ საერთო შვილი - სემიც ჰყავთ.
შესაძლოა რეპერის მიერ გამოქვეყნებული ფოტო უბრალოდ მეგობრული ჟესტია საკუთარი შვილის დედისადმი, რასაც ის ფაქტიც მოწმობს, რომ მიუხედავად მომხდარისა, ცოტა ხნის წინ აიზა და ქეთა ერთად კუნძულ ბალიზე დააფიქსირეს, როცა ორივე მათგანი ზამთრის ცივ დღეებს შესანიშნავ კურორტზე ატარებდა. აიზას მიერ გამოქვეყნებულმა კადრმა ყველა დაარწმუნა, რომ ისინი ცდილობენ ერთმანეთთან არაჩვეულებრივი ურთიერთობა შეინარჩუნონ.
