გიორგი ცინცაძისა და მიხეილ ბერიშვილის “ალ შამალი” ყატარის საკალათბურთო ჩემპიონატის ერთპიროვნულ ლიდერად რჩება.
ქართველ ლეგიონერთა გუნდმა მორიგ ტურში “ალ ხორი” 79:73 დაამარცხა და 11 მოგებითა და 2 მარცხით პირველ პოზიციას ინარჩუნებს.
ცინცაძე მოედანზე ამჯერადაც არ გამოჩენილა, ბერიშვილმა კი 38 წუთი ითამაშა და 8 ქულა, 8 მოხსნა, 6 პასი და 1 ჩაჭრა მიითვალა.
მიშამ 5-დან 1 ორქულიანი და 6-დან 2 სამქულიანი ჩააგდო, ბურთი ერთხელ დაკარგა, ერთხელ დაუფარეს, 4 პერსონალური ფოლი მიიღო, მის წინააღმდეგ კი 2-ჯერ დაჯარიმდნენ.
