ფრანგულ „მონაკოს“ ლეონარდო ჟარდიმი დაუბრუნდა. ამის შესახებ მონეგასკთა ვებგვერდი ოფიციალურად იტყობინება. პორტუგალიელი სპეციალისტი ტიერი ანრის შეცვლის, რომელმაც იგივე ჟარდიმი 3.5 თვის წინ ჩაანაცვლა.
მოკლედ, ლუზიტანელი სპეციალისტი „მონაკოში“ დაბრუნდა და 2-წლიანი კონტრაქტი გააფორმა. საქმიანობას კი სამშაბათიდან შეუდგება, როდესაც „მონაკო“ საფრანგეთის ლიგის თასის 1/2 ფინალში „გენგამს“ დაუპირისპირდება.
იქამდე ლიგა 1-ში „თავადებს“ „დიჟონთან“ ფრანკ პასი უხელმძღვანელებს. აქვე გეტყვით, რომ ტიერი ანრი ერთი დღის წინ გაათავისუფლეს წარუმატებელი შედეგების გამო.
რაც შეეხება ჟარდიმს, „მონაკოში“ 2014-2018 წლებში მუშაობდა და გუნდი საფრანგეთის ჩემპიონი გახდა, ხოლო ერთხელ ჩემპიონთა ლიგის ნახევარფინალში გაიყვანა.
