ვილნიუსში ლენინი ლენონმა შეცვალა

ვილნიუსში ლენინი ლენონმა შეცვალა

რამდენიმე დღის წინ ლიტვის დედაქალაქ ვილნიუსში „დედაქალაქის დღის“ ზეიმი ჩატარდა.

ამ ღონისძიების მიმდინარეობისას, ლუკიშკის მოედანზე ჯონ ლენონის ქანდაკება საზეიმოდ დაიდგა. საინტერესოა რომ მის მასალად უბრალო ქვიშა გახლდათ გამოყენებული.

„The Beatles”-ის ყოფილი წევრის ქანდაკება ზუსტად იმ ადგილას განთავსდა, სადაც გაგანია კომუნისტების დროს თავს პროლეტარიატის ბელადი - ლენინი იწონებდა.

ამასთან დაკავშირებით ლიტვაში ხუმრობაც კი გავრცელდა: „ლენინი ლენონმა შეცვალა“.

ქანდაკება ვილნიუსის მერმა არტურას ზუოკასმა გახსნა. ამ დროს მოედანზე ცნობილი მუსიკოსის მარად უკვდავი „Imagine” აჟღერდა.