აღმოსავლეთის პარტნიორობის ქვეყნებს შორის, მედიის თავისუფლების ხარისხით, საქართველო პირველ ადგილზეა.

კვლევის შედეგები კიშინოვში გამართულ  საჯარო საზოგადოების ფორუმზე - „მედიის საფრთხეები აღმოსავლეთ პარტნიორობის ზონაში“  გამოქვეყნდა.

კვლევა - "მედიის თავისუფლების ინდექსი აღმოსავლეთ პარტნიორობის ქვეყნებში" ევროკავშირის დაფინანსებით განხორციელდა. სიაში  მეორე ადგილზეა მოლდოვა, მას მოსდევს სომხეთი, უკრაინა და აზრებაიჯანი, ხოლო ბოლო ადგილზეა ბელორუსი.

კვლევით, რომელიც მიმდინარე წლის მარტი-ივნისის პერიოდს მოიცავს,  გაზომილია მხოლოდ გამოხატვის თავისუფლების დონე და ის არ აფასებს ჟურნალისტიკის ხარისხს პარტნიორ ქვეყნებში. შეფასების კრიტერიუმებია:

• პოლიტიკური კონტექსტი (კონსტიტუციით მინიჭებული მედიის თავისუფლებისა და უფლებების დონე);

• არსებული პრაქტიკა (მედიის თავისუფლების შეზღუდვა), მათ შორის, თავდასხმები, დაკავებები, გამოძიებები, ინფორმაციაზე წვდომის კუთხით ცენზურა და თვითცენზურა;

• წვდომა მაუწყებლობაზე;

• წვდომა ინტერნეტზე.

პროექტი უკრაინის „ინტერნიუსმა“ სხვა პარტნიორი ქვეყნების წამყვან  მედია არასამთავრობო ორგანიზაციებთან თანამშრომლობით განახორციელა. 

http://www.enpi-info.eu/maineast.php?id=34694&id_type=1&lang_id=450