თავდაცვის ყოფილი მინისტრის, ირაკლი ოქრუაშვილის განცხადებით, ახლა ზუსტად 2003 წლის რეალობა მეორდება, რომლის მიხედვითაც, ქვეყანა "კარტოფილების" ან "ჩამოწერილი ვალების“ რევოლუციის წინაშე დგას.
აღნიშნულის შესახებ ოქრუაშვილი სოციალურ ქსელში წერს.
"ერთი-ერთში 2003 წელია. ფქვილი, ზეთი, შაქარი, მოჭიდავეები, მოკრივეები და ჯიბგირები. ეგ ყველაფერი კარგი, მაგრამ შემდეგ რევოლუციას რა უნდა დავარქვათ, "კარტოფილების რევოლუცია" თუ "ჩამოწერილი ვალების რევოლუცია?!’’ - წერს ირაკლი ოქრუაშვილი.
შეგახსენებთ, წინასაარჩევნო პერიოდში პრემიერ-მინისტრმა მამუკა ბახტაძემ ახალი ინიციატივა წარადგინა,რომლის მიხედვითაც 600 ათას მოქალაქეს საბანკო დავალიანებას ფონდი ‘’ქართუ“ დაუფარავს. ამასთანავე წინასაარჩევნო პერიოდში მარნეულში მოსახლეობას დიდი რაოდენობით კარტოფილი დაურიგეს.
