საფრანგეთის საპარლამენტო არჩევნების პირველ ტურში პრეზიდენტ ემანუელ მაკრონის მოძრაობა „რესპუბლიკა მარშზე“ ლიდერობს, - აღნიშნულს ცხადყოფს სოციოლოგიური ინსტიტუტი Ipsos/Sopra Steria-ს მიერ ჩატარებული გამოკითხვა.
გამოკითხვის შედეგების თანახმად, „რესპუბლიკა მარშზე“ საპარლამენტო არჩევნების პირველ ტურში ამომრჩეველთა ხმების 29,5%-ს მიიღებს, „რესპუბლიკელები“ – 22%, „ეროვნული ფრონტი“ – 18%, „დაუმორჩილებელი საფრანგეთი“ – 11,5%, „სოციალისტური პარტია“ – 9%.
საფრანგეთში საპარლამენტო არჩევნების პირველი ტური 11 ივნისს, ხოლო მეორე ტური კი 18 ივნისს გაიმართება. ამომრჩევლები მაჟორიტარული სისტემით ჩატარებულ არჩევნებში 577 დეპუტატს აირჩევენ.