ამერიკული მუსიკალური მას-მედიის ცნობით, პოპულარული ჯგუფი „Aerosmith”-ის წევრებმა ახალ ალბომზე მუშაობა დაასრულეს.
ეს დისკი ჯგუფისთვის ბოლო რვა წლის განმავლობაში პირველია. მისი სახელწოდებაა „Music From Another Dimension ” და დღის სინათლეს მიმდინარე წლის 28 აგვისტოს იხილავს.
ალბომში 14 ახალი კომპოზიცია იქნება წარმოდგენილი. რამდენიმე დღის წინ ჯგუფის წევრებმა ალბომის პირველი სინგლის „Legendary Child”-ის მოტივებზე ვიდეოკლიპი გადაიღეს და ინტერნეტში განათავსეს.
ორი დღის წინ ჯგუფის ლიდერმა სტივენ ტაილერმა პრეს-კონფერენცია ჩაატარა. აღმოჩნდა, რომ სექტემბრის დასაწყისში ჯგუფის წევრები მსოფლიო საგასტროლო მოგზაურობაში წასვლას აპირებენ, წლის დასასრულამდე კი რამდენიმე ახალ კომპოზიციას მოამზადებენ.
