წინადადება, რომელიც უმრავლესობამ გაუნაწილებელ მანდატებთან დაკავშირებით შემოგვთავაზა, ემსახურება იმას, რომ გამარჯვებულმა პარტიამ პარლამენტში მყარი და კომფორტული უმრავლესობა მიიღოს, - ამის შესახებ ჟურნალისტებს სახელმწიფო საკონსტიტუციო კომისიის წევრმა ვახუშტი მენაბდემ განუცხადა.
“დღევანდელ პოლიტიკურ რეალობაში ამ ფორმითა და გზით წასვლა, საკმაოდ არაპროპორციული იქნება - მოხდება მანდატების არასამართლიანად მინიჭება არჩევნებში გამარჯვებული პოლიტიკური ძალისათვის. გამარჯვებულ პარტიას შესაძლოა გარკვეული უპირატესობები მიენიჭოს, თუმცა იმ ფორმით, რა ფორმითაც არის შემოთავაზება, სწორი არ არის“, - აცხადებს მენაბდე.
მენაბდის ინფორმაციით, აღნიშნული ინიციატივა სახელმწიფო საკონსტიტუციო კომისიის სამუშაო ჯგუფში მწვავე დისკუსიის თემაა.