ბრიტანული მას-მედიის ცნობით, გუშინ პოპულარული მუსიკოსი სერ პოლ მაკარტნი დედოფალ ელისაბედ მეორეს შეხვდა. მომღერალი მეუღლესთან ერთად ლონდონის სამეფო სამხატვრო აკადემიაში გამართულ გამოფენაზე იმყოფებოდა. ამ ღონისძიებას დიდი ბრიტანეთის დედოფალიც დაესწრო.
საინტერესოა, რომ ამ გამოფენაზე სხვა ცნობილი მუსიკოსებიც იყვნენ მიწვეულები. მათ შორის იყვნენ ბონო, შირლი ბესი და როჯერ დოლთრი.
მიმდინარე წლის 4 ივნისს, ელისაბედ მეორის მმართველობის საიუბილეო თარიღთან დაკავშირებით “Queen Victoria Memorial”-ის საკონცერტო დარბაზში დიდი საზეიმო ღონისძიება გაიმართება.
ცნობილია, რომ ამ კონცერტზე სერ პოლ მაკარტნის, ელტონ ჯონს, ენი ლენოქსს, კლიფ რიჩარდსა და ჯგუფს „Madness” ვიხილავთ.
