ისრაელის დემოკრატიის ინსტიტუტისა და თელ-ავივის უნივერსიტეტის მიერ გამოქვეყნებული გამოკითხვის თანახმად, ისრაელის მოქალაქეების უმეტესობა მიიჩნევს, რომ აშშ-ის ახლად არჩეული პრეზიდენტი დონალდ ტრამპი ისრაელის მიმართ უფრო მეგობრულად განწყობილი იქნება, ვიდრე მოქმედი პრეზიდენტი ბარაქ ობამა იყო.
გამოკითხული მოქალაქეების 49.6% თვლის, რომ აშშ-ის მოქმედი პრეზიდენტი ბარაქ ობამა მტრულად იყო განწყობილი ისრაელის მიმართ.
თუმცა, გამოკითხული მოსახლეობის 69% მიიჩნევს, რომ აშშ-ის ახლად არჩეული პრეზიდენტი დონალდ ტრამპი მეგობრულად იქნება განწყობილი ისრაელის მიმართ.
აღსანიშნავია, რომ მას შემდეგ, რაც დონალდ ტრამპი აშშ-ის პრეზიდენტად აირჩიეს, მან საჯაროდ არაერთხელ დააფიქსირა თავისი მხარდაჭერა ისრაელის მიმართ.