დონალდ ტრამპის აშშ-ის პრეზიდენტად არჩევის გამო ნატო-მ 2017 წლის დასაწყისში დაგეგმილი სამიტის გადატანის გადაწყვეტილება მიიღო, - ამის შესახებ გერმანული Der Spiegel-ი წერს. გამოცემის ცნობით, ჩრდილოატლანტიკური სამიტის წევრი ქვეყნების ლიდერთა სამიტი მომავალი წლის ზაფხულში გაიმართება.
მასალაში აღნიშნულია, რომ ნატო-ს ხელმძღვანელობამ გადაწყვიტა, მისცეს მეტი დრო აშშ-ის არჩეულ პრეზიდენტს, რათა ნატო-ს მიმართ საკუთარ პოლიტიკაში გაერკვიოს.
როგორც Der Spiegel-ი აღნიშნავს, დონალდ ტრამპის აშშ-ის პრეზიდენტად არჩევა ალიანსში შეშფოთებას იწვევს. საარჩევნო კამპანიის დროს ტრამპმა არაერთხელ უწოდა ნატო-ს „უსარგებლო“ ორგანიზაცია.
