ამერიკის არჩეულმა პრეზიდენტმა დონალდ ტრამპმა დღეს განაცხადა, რომ უახლოეს მომავალში, ქვეყნის ახალ მთავრობასთან დაკავშირებით, „ძალიან მნიშვნელოვანი გადაწყვეტილების“ მიღებას აპირებს.
„ნიუ-იორკში დაგეგმილია დატვირთული დღე. მალე დავიწყებ რამდენიმე ძალიან მნიშვნელოვანი გადაწყვეტილებების მიღებას იმ ადამიანებთან დაკავშირებით, რომლებმაც ჩვენი მთავრობა უნდა მართონ“, - წერს დონალდ ტრამპი „ტვიტერის“ საკუთარ მიკრობლოგში.
არჩეული პრეზიდენტის ინაუგურაცია 2017 წლის 20 იანვარს გაიმართება.