თუ შინაგან საქმეთა მინისტრის მოადგილე გვეუბნება, რა პრობლემაა ჩვენ ასეთ საგამონაკლისო ღონისძიებებს, ყოველდღიურად, ათეულობით ვახორციელებთო, არის უმძიმესი განცხადება და კატასტროფულ ვითარებასთან გვქონია საქმე”, - აღნიშნულის შესახებ პრეზიდენტის პოლიტიკურმა მრჩეველმა, ფიქრია ჩიხრაძემ ”პალიტრა ნიუსის” გადაცემა ”360 გრადუსში” განაცხადა.
ჩიხრაძის თქმით, შს მინისტის მოადგილის დღეს გაკეთებული განცხადება სერიოზული შეცდომაა, რომელიც ადამიანთა უფლების დარღვევის ფაქტებზე მიუთითებს. მისივე განცხადებით, მსგავსი შეცდომები წინა ხელისუფლებას ცუდად შემოუტრილდა.
”დღეს საოცარი განცხადება გააკეთა შს მინისტრის მოადგილე შალვა ხუციშვილმა, რომელმაც თქვა, რა პრობლემაა ჩვენ დღეში ათეულობით ასეთ ღონისძიებას ვატარებთო. სისხლის სამართლის საპროცედო კოდექსი ასეთ პროცედურებს გადაუდებელი აუცილებლობების შემთხვევაში სცნობს, სადაც სასამართლოს ორდერის გარეშე მიდის საცხოვრებელი სახლის ჩხეკა და მერე ხდება მისი ნებართვის მოთხოვნა სასამართლოსგან. ეს არის გამონაკლისი შემთხვევა.
თუ შინაგან საქმეთა მინისტრის მოადგილე გვეუბნება, რა პრობლემაა ჩვენ ასეთ საგამონაკლისო ღონისძიებებს ყოველდღიურად ათეულობით ვახორციელებთო, არის უმძიმესი განცხადება, მან სერიოზული შეცდომა დაუშვა და კატასტროფულ ვითარებასთან გვქონია საქმე. ანუ ბატონი ხუციშვილი ამბობს, რომ ჩვენ ყოველდღიურად ათეულობით ადამიანის უფლებას ვარღვევთ ისე რომ არაფერი არ გვაინტერესებს. ალბათ დიალოგიც ასე მიდის, ევროპა ხომ არ გგონიათ, აბა ახლა ჩუმად იყავი, ახლა ამას ჩაგიდებ, შეგაშინებ და ა.შ. ჩვენ ყველას გვახსოვს, რომ ასეთი ქმედებები წინა ხელიწუფლებას ძალიან ცუდად შემოუტრიალდა”, - განაცხადა ფიქრია ჩიხრაძემ.
ეს იყო ჩვეულებრივი საპოლიციო მოქმედება, როგორიც დღეში ათობით ტარდება, - ამის შესახებ ჟურნალისტებს დღეს შს მინისტრის მოადგილე შალვა ხუციშვილმა პრეზიდენტის სიძის სახლში ჩატარებული ჩხრეკის ფაქტზე კომენტირებისას განუცხადა.
"ეს არის ჩვეულებრივი საპროცესო მოქმედება და სტანდარტული საპოლიციო მოქმედება, რომელიც ტარდება დღეში ათობით. გააჩნია, რა დონის ინფორმაციაა ან რამდენი. დამატებით ამ საკითხზე ვერაფერს გეტყვით. გამოძიება დაიწყო და ვნახოთ", - განაცხადა ხუციშვილმა.
