გამოცემა “New Musical Express”-ის ცნობით, წინა საუკუნის 70-იან წლებში პოპულარულმა ბრიტანულმა ჯგუფმა “The Kinks” ერთგულ თაყვანისმცემლებს წარსული გაახსენა და სამი ალბომი ხელახლა გამოსცა.
ამ დისკების სახელწოდებებია: “Arthur (Or the Decline and Fall of the British Empire)", “Face To Face” და “Something Else”. ეს ნამუშევრები ხმის ჩამწერმა სტუდიამ “Univesal” გამოსცა.
ალბომმა “Arthur" (Or the Decline and Fall of the British Empire") დღის სინათლე პირველად 1969 წელს იხილა, “Face To Face” ჯგუფმა 1966 წელს ჩაწერა, “Something Else” კი 1967 წელს.
ამ ალბომების ახალი გამოცემის საერთო ტირაჟი 500 ცალს შეადგენს. ის მხოლოდ ჯგუფის შემოქმედების ერთგული თაყვანისმცემლებისთვისაა განკუთვნილი.
