საქართველოს ყოფილი პრემიერ-მინისტრი ბიძინა ივანიშვილი ჟურნალისტებთან შეხვედრებს იწყებს. როგორც ”ინტერპრესნიუსს” ”ქართუ ჯგუფის” საზოგადოებასთან ურთიერთობის სამსახურის უფროსმა, გიორგი უძილაურმა განუცხადა, ბიძინა ივანიშვილი დღეს ტელეკომპანიების წარმომადგენლებს შეხვდება.
შეხვედრა ტექნოპარკში, 12:00 საათზე დაიწყება და ის დაახლოებით 2 საათს გაგრძელდება. შეხვედრას 10 ტელეკომპანიის წარმომადგენელი დაესწრება.
რაც შეეხება ბეჭდური და ელექტრონული მედიის, ასევე რადიოების ჟურნალისტებს, ბიძინა ივანიშვილი მათ 14 ივნისს შეხვდება. აღნიშნული შეხვედრის შესახებ დამატებითი ინფორმაცია მოგვიანებით გახდება ცნობილი.
