აშშ-ის ევროპულ სარდლობას ახალი მეთაური ჰყავს. ფილიპ ბრიდლავი პოსტზე ამერიკელმა გენერალმა კერტის სკაპაროტიმ ჩაანაცვლა.
სკაპაროტის დანიშვნის შესახებ მარტში გახდა ცნობილი. მისი კანდიდატურა აშშ-ის პრეზიდენტმა ბარაქ ობამამ წარადგინა.
ახალ პოსტზე დანიშვნამდე კერტის სკაპაროტი სამხრეთ კორეაში ამერიკულ კონტინგენტს ხელმძღვანელობდა.
როგორც „ბიბისი“ აღნიშნავს, ევროპული სარდლობის მეთაურებად ტრადიციულად, ამერიკელ გენერლებს ნიშნავენ.
